لمعرفه المزيد عن 2pm

لمعرفة المزيد عن 2pm







Jaebeom


[center]+ ليدر الفريق وأكبرهم عمراً ؛والراقص الأساسي . ويلقبونه بالـ Leadja (ليدجا)
بسبب ان فيه وحده كبيرة بالسن نطقت ليدر بالغلط وصارت ليدجا وراح هاللقب فيه .


+ انولد في سياتل في امريكا وعاش ودرس هناك لين صار عمره 18 سنه
ومع ان اهله كوريين الا انه مايعرف الا كم كلمه مثل "هل أكلت؟".



+ بسبب حبه للراب والرقص (البريك دانس) وتخصيص وقته لها ، هذا الشي سبب مشاكل له مع امه اللي كانت تبغاه يدرس في الجامعه
في الأخير إقتنعت بالأمر الواقع وقالت دامك تحب هالشي ليش ماتروح تقدم إختبار في شركة JYP ( اللي كانوا في هذيك الفتره يسوون إختبارات قبول بأمريكا)
راح ورقص عندهم فقط وقبلوه ، حتى ما قالوا له يغني هههههههههههه .


+ سافر لكوريا عشان يتدرب وكان أول اسبوعين كل يوم يبكي مشتاق لأهله ..


+ بدأ تعلّم اللغه الكوريه من أربع سنين ومازال يتعلمها.
لكنهم دائماً يقولون مستوى نيكهون التايلندي أحسن منه
هو يقول صحيح هالشي هو أحسن مني لكني أحسن منه بطريقة النطق.


+ يمتلك جسم رائع من قبل الترسيم .. وكل الأعضاء يغبطونه على جسمه ويعتبرونه صاحب افضل جسم بينهم ..
طبعاً هالجسم ماجا من فراغ كان يروح يومياً من يوم كان في المرحلة المتوسطه للجيم ..
وبدأوا بعض الأعضاء يتمرّنون في الجيم عشان تكون أجسامهم مثل جاي.






+ جونسو يقول عنه انه يتمرن حتى في اوقات الفراغ وبين الجداول ويعتقد جونسو ان مافيه شي زين يجي بدون تعب ..
وعلق تيكيون مهما كانت درجة الحرارة عاليه فنحن فقط نلبس قميص بدون اكمام !

لكن جايبوم يخلع قميصه حتى لو أن الحرارة ليست عالية.ورد جايبوم "انا لا افعل ذلك لأتباهى"

وأعطى عذر لطيف قائلاً " هذا القميص مهم جداً بالنسبة اليّ، امي قامت بإرساله اليّ من الولايات المتحدة
لذا يجب أن أحرص على الا ابلل القميص بعرقي " وضحكوا الأعضاء على عذره .





+ أول ماجا لكوريا كانوا الناس يقولون له "شكلك صغير" بكثره وكان يتضايق
والآن ما عاد أحد يقابله ويقوله شكلك صغير لأنه صار أنضج ، فصار يحّن لهالشئ .




+ يرتاد نفس الجامعه مع تيكيون وكان يروح يومياً !
لكنه يعترف انهم بعد الترسيم صاروا مايلحقون على المذاكره
والاختبارات ويغيبون كثير .(صور لهم في الجامعه)






+ يقول بأنه أيام التدريب كان ياخذ درجات زينه الا في كلاس الكتابه الصينية
أخذ فيها F وهو الاف الوحيد اللي اخذه لأن المادة كانت جداً صعبة


+ ماكان يحب اللون الزهري ، لكن بعد ما اهدته وحده من الفانز اندروير زهري أعجبه اللون وصار يلبسه كثير




+ ماسكة معه كلمة "هذه مؤامرة" كل ماصار شي قال هذه مؤامرة لين صار في الأخير يقولها بأي وقت.


+ كان رابر و يكتب كلمات الراب ايضاً و ماكان يعرف يغني ابداً قبل قبوله في شركة JYP.


+ يحب أن يرقص لأغاني فرق البنات


+ كان عضو في فرقة رقص في امريكا اسمها Art of Movement.






+ أول اغنيه شارك فيها هي لأوست لمسلسل مع يي اون من وندر قيرلز و واحد ثالث مادري من خخخ.



+ أول ماجا كوريا كان يتخاطب بالانقليزي مع تيكيون ونيكهون بس ..
وتيك كان يقوم بدور المترجم لهم . ويقول جاي انه بادي ينسى الانقلش
لدرجة انه في يوم من الايام عجز يتذكر وش اسم الخيار بالانقليزي
وتعب من التفكير فيه . وبعدين قال لازم استعمل انقليزيتي أكثر لأني صاير انساها.



+ مايحب صوته لأنه يحس انه طفولي ، ومع ان الناس يقولون له خامة صوتك حلوة الا انه يتمنى لو كان صوته أعمق.


+ غنى مقاطع راب في عدد من اغاني المغنين الاخرين ، وغالباً يكون هو اللي يكتب الراب فيهم..




+ يفضل الرقص على الغناء والراب.. يحب الرقص جداً وحتى قبل مايجي كوريا كان يرقص يومياً ويشارك في مسابقات.






+ يخطط للزواج في عمر 29 او 30 لكنه يقول" 30 احسه متأخر مره
لأن لو رزقت بولد بهالعمر وصار عمره 20 راح يكون عمري 50 !
إذا فكرت فيها بهالطريقه أحس انه عمر متأخر".




+ إمرأة احلامه يبيها تكون طبيعية بدون حركات مصطنعه
ويبيها كيوت وحلوه بدون مكياج.. ويقول" انا ما ابيها تكون كاملة ..
مافيه احد كامل في هالعالم ، أنا ايضاً مو كامل . إذاً كيف اواعد فتاة كاملة ؟"



+ يتمنى ان اطفاله مايشبهونه في الشكل ويكونون عكسه ، يعني وسيمين وطوال (لأنه مايحب وجهه ويحس انه قصير) ..
ويبيهم يعرفون للرقص لأن هذا الشيء بيميزهم انهم اولاده.



+ هو أكبر واحد في العائلة وعنده أخ صغير .

+ لما طلبوا منه يوصف لهم كيف كان كإبن..
قالهم انه ماكان يقدر يعبرعن مشاعره او حتى يقول لأمه احـبـك.

+ يشتاق لأهله أكثر شي إذا كان مشتاق لطبخ امه أو في أعيادهم الرسميه ..
يقول" كل الأعضاء يروحون لبيوت اهلهم الا انا اروح لبعض قرايبي".


+ ذكر حادثه طريفة صارت له ..
مره كان عندهم حدث للتوقيع في Jamsil بحيث ان الفانز يجون ويوقعون لهم الفريق
وكان جاي حسران و يبي يروح للحمام مره لكنه ماقدر لأن الفانز كثار و مازالوا يجون للتواقيع.
واخر وحده من الفانز جت وقالتله "هل من الممكن ان تكتب شيء كملاحظه مع التوقيع ؟"
كتبلها (أسف يجب علي أن أذهب لدورة المياه!) وراح يركض
.




+ يعتبر الليد فوكال أو المغني الرئيسي للفريق بسبب امتلاكه لقدرة صوتية عظيمة .لكنه يعطي نفسه 5\10 ويقول انه لازم يشتغل على نفسه أكثر.
وجايبوم يقول عنه "انا ما أحس ان تسجيل الاغنية خلص الا لما جونسو يسجل مقاطعه كلها" .



+ والده كان معارض فكرة غنائه فكان جونسو يشارك بمسابقات من وراه ويربح المركز الأول ويفوز بجوائز ، فمره فاز باستيريو والمره الثانيه فاز بثلاجة كيمشي طبعاً هذا شي تحبه كل أم ههههههه والمره الثالثه فاز بجهاز تلفزيون 22 بوصه عالي الدقه ومن هذاك اليوم وابوه راضي عنه حتى انه دخله لمعهد غناء.




+ غنى أغنية للهوتست في فان ميتنق لهم.



+ تيكيون يقول عن جونسو "انه أوسخ واحد بالفريق " لكن جونسو يقول "مره طاح جوالي تحت سرير تيكيون ولما جيت أخذه لقيت تحت سريره اندرويرز وشرابات وقراطيس وعلب مشروبات وتفاجأت باللي شفته ، فكيف انا أكون أوسخ منه" !



+ يُلاحظ غنائه للأغاني الأجنبيه بشكل كبير ، وإكتسابه للغة الإنقليزية ماكان مثل بعض الاعضاء اللي عاشوا في الخارج بل من حبه للأغاني الأجنبيه من صغره .




+ أحيانا يتكلم بلهجة منطقته "Daegu" وتكون مضحكة لدرجة انكم ماتعرفونه



+ مع إنه صاحب أحسن صوت في الفريق بشهادة الجميع ، لكنه في اغنيتهم الأولى ماكان له مقطع محدد يغنيه، كان يمسك المايكروفون ويردد بعض الكلمات معاهم او يغني بس في المقاطع الجماعية!



+ جي دي و تاي يانغ من بيق بانق اصدقائه لانه كان في YG لمدة سنه قبل انتقاله لـ JYP ، و أيضاٌ CL من 2NE1 حتى أنها ذكرت اسمه في قائمة الشكر في الالبوم <-- بتلاحظون تأثير شركة YG في الريمكس اللي سواه.



+ يحب الكتابة عموماً وأيضاً يهتم بكتابه الكلمات الاغاني .. وكان يبغى يتخصص في الأدب لما كان صغير.



+ ينادونه هو وجونهو بالـ Jun's brothers بسبب إن المقطع الأول من أساميهم يتشابه.



+ يحب يلبس سكارفات وشالات وخصوصا الكبيرة منها .




+ فاز بجائزة ( أفضل شخص يلبس ) من الفانز .. ومعروف عنه ذويق في إختيار ملابسه.






+ يقول عنه نيكهون "انه يتدرب كثير على صوته وغنائه لكنه في الجانب الآخر مايعطي الرقص حقه مثل إهتمامه بقدراته الصوتيه".





+ سوى فينرز بأسنانه لأنها كانت صغيرة واذا ابتسم تطلع لثته بشكل واضح فيتضايق من هالشي و دايم يغطي ابتسامته.
بعد انتهاء ترويجهم للالبوم الثاني من شهر تقريباً لاحظوا الفانز ان جونسو في اخر كم بريفورمنس للفانز انه كان لابس ماسك يغطي فمه بطريقة غريبه


وانشر هذيك الفتره انه مسوي عملية بأنفه بسبب انه يعاني من نزيف الانف وبعضهم كان يقول يمكن انه تعبان ومايبي يعدي الاعضاء .. لكن بعد اسبوعين شال الماسك وبانت لنا ابتسامه جديدة خلت الولد يحلو اكثر .





+ مدري الله يصلحه هو دحش و مايعرف يلعب العاب جماعية او انا بس احس هالشيء لكن تقدرون تقررون من هالجيف .





+ جونسو تورط في سكاندل بعد ما سافروا 2PM لتايلند أدعت مغنية تايلندية أسمها "واي" علاقتها بجونسو و أن هو صديقها و وقفت جدام الكيمرات و الاعلاميين و صرحت بهالخبر و حتى أنها قالت من أول ما وصلوا لتايلندا خذ جونسو تاكسي و راح لعند بيتها و تفاجأت فيه، و قعدت تتكلم و تتكلم ولا سكتت (يعني تعالوا و صوروني ).


طبعاً بعد مانتشر الخبر الفانز ماخلوها و طرشوا لها رسائل عبر الفيس بوك و هي كانت ترد عليهم بعد و تقول إلا انتوا تغارون مني و حقودات! (يا شين الثقة بس )، و في هالوقت لا جونسو ولا JYP ردوا و قالوا شيء و بعد يومين من أول تصريح لها كانت في حفلة و سألوها الصحفيين عن علاقتها و قالت "لا خلاص انفصلت عنه، و مسحت ايميله و رقمه و كل شيء يخصه"
نفهم من هالسالفة كلها أنها تبي تشتهر على حساب جونسو و 2PM وأصلاً من الأساس كانت مكروهه في تايلند. و بعد أيام من هالحادثة و بعد ما الفانز ازعجوا JYP في تويتر، رد بكلمتين و قال "غير صحيح"


Nichkhun




+ أولاً هو أمريكي-تايلندي. ابوه تايلندي الأصل وامه صينيه وانولد في امريكا (كاليفورنيا)
و لما كان عمره سنتين انتقل لتايلند، و بعدين انتقل لنيوزلندا، و عاد لأميريكا ليدرس في الثانوية .

+ يعرف 4 لغات (انجليزي، تايلندي، صيني و كوري) .


+ حكاية دخوله للفريق حكاية ..حضر مع اصدقائه الكوريين مهرجان الموسيقى الكوريه في لوس انجلوس
ومن ضمن المشاركين بهالحفل JYP اللي هو رئيس الشركه الأن
( ماكان أساساً يعرف JYP كان بس يعرف Rain ويعتبره أشهر شخص في كوريا )

لما خلص الحفل شافوه الستاف وطلبوا منه انه يقدّم إختبار قبول للشركة ، هو ماحط في باله لأنه مايعرف يرقص ولا يغني ابداً لكن تحت إلحاحهم عطاهم رقمه.

بعد يومين تقريباً كلموه وقالوا نبيك تجي تقدم الاختبار وهو يرفض ويقول ما اقدر اسوق
قالوا أجل حنا نجيك لبيتك ( لاحظوا وشلون متمسكين فيه وهو حتى مابعد قدّم إختبار )
واستمروا على هالحاله فتره لين قال اوكي بقابلهم ، قابلهم في مقهى قريب من بيته وقالوا له اطلع برا شوي ...

لما طلع برا قالوا له ارقص ، قال ما اعرف ارقص وبعدين كيف ارقص بدون اغنيه؟
قاموا قربوا سيارتهم جنبه وشغلوا المسجل وعلوا الصوت وبدأ يرقص بشعور احراج على صدمه على كل شي
يقول "كان رقصي فاشل لدرجة حسيت انهم رحموني ووقفوني" ، بعدين قالوله يغني ، غنى أغنية بالإنقليزي وقالوا خلاص راح نتصل عليك ..

وفعلاً اتصلوا عليه وقالوا "مرحباً بك كمتدرب عندنا في كوريا طبعاً قبل ماتجي بنحط عندك خبر
إنك إذا جيت عندنا لازم تدرس كوري وصيني وتتدرب على الغناء والرقص والتمثيل "
شاور أهله وقالوا له هذي فرصتك وجدته شجعته كثير لأنها تحب Rain ..
سافر نيك لكوريا وطبعاً مر بلحظات قال لنفسه "انا وش اسوي هنا ؟ ما اعرف لاكوري ولا رقص ولا غناء ليش جاي أساساً "
ويقول "لقيت التحطيم منهم ، طبعاً مو بقصد التحطيم لكن كانوا يبوني أتشجع وأبذل جهدي أكثر
وفعلاً هذا اللي صار كل ما تعبت أكثر كل ما زاد ثناء الكوريين علي ".

+ لفظ اسمه الصحيح " نيتشاكون " لكن عندما سجلوه في JYP
كتبوا اسمه نيكون و لم يتم تعديله، لأنه صعب لفظه على الكوريين!

+ إشتهر بغمزته اللي صار غالباً مايطلع في برنامج او مقابله الا طالبين منه أنه يغمز ..
وقد قال مره انا مو آلة غمز
فصار تيكيون يعلق عليه ويقول" حطوا 500 ون ويغمز لكم "




+ قبل مايدخل المجال الفني كان مخطط انه يدرس في الجامعه ويتخصص بعزف الة البيانو .

+ بدأ يعزف على البيانو يوم كان عمره 9 سنوات
وماكان يحب هالشي لأن ابوه كان دايم يأمره بأنه يتدرب، لذلك ترك التدريب عليه فتره ومارجع للبيانو الا لما صار عمره 16 سنه
يوم سمع مقطوعه كوريه وانبهر فيها ومن ذاك اليوم رجع يتدرب على البيانو ثانيه برغبته.


+ هو العضو الوحيد اللي مايرتاد الجامعة ولكنه ياخذ دروس في البيانو واللغه الكوريه .( يمكن بسبب جنسيته )

+ كل الأعضاء يعتبرونه أجمل واحد بينهم ودايم يقولون
"ان الفانز مايتعرفون علينا الا اذا كان نيكهون معنا"




+ ينادونه بـ الأمير نيكهون ، أو أمير تايلند .
ويقول انه يحاول ينشر صورة زينه عن بلده تايلند لأن فيه مره سألوه
" هل تذهب الى المدرسة بالفيل؟" <--- هههههه إحنا هل نذهب الى المدرسة بالجمل ؟

+ أول عضو من الـ 2PM يشارك في برنامج مينت سكاندل واللي يخلونه يطلع مع بنت لمدة اسبوع واذا شافوا انفسهم
مناسبين لبعض يعطون بعضهم ارقامهم الشخصيه في الأخير.



و خذته البنت عشان يقابل اصدقائها وفجأة صاروا يرمون عليهم حكي ويقولون اسم صديقة Kim bum اللي في بويز اوفر فلاورز
وبرضو قعدوا يغنون اغنية المسلسل والبنت تسكتهم فإنتشر خبر ان كيم بوم كان صديقها الأول
لأن نيكهون سألها قد صادقتي شخص مشهور من قبل ، بس ماجاوبت .

+ هو الممثل الرسمي لحملة I Love Thailand للترويج للسياحة في تايلند.





+ تلقونه ضيف دائم هالفترة في برنامج Star King ودايماً يشارك مع المتسابقين في رقصاتهم والسكتشات اللي يسوونها .



+ يقول عن نفسه "الشخص الذي يعرفني جيداً سيعرف ان شخصيتي تختلف عن شكلي.
أنا شخص فيه رجولة جريء ومقدام ولااحب قول "لا أستطيع فعل هذا الشيء"
" لا أستطيع لمس هذا الشيء سيلوث يدي " أنا لست كذلك .



تستطيع أن ترى يدي! إنها هكذا لأنني أقوم بتمارين الأثقال.
الأشخاص الذين يصافحونني يكونون مصدومين بسبب ان الأيدي
غالبأ تكون ناعمة لكن يدي خشنه !


+ الخبر الصدمه .. انتشر قبل فتره ان نيكهون طلبوه تايلند عشان يقدم على العسكريه لأن اي تايلندي بعمر العشرين لازم يقدم ..
طريقة الاختيار طبعاً بعد اجتياز الفحوصات تحط يدك في علبه وتختار ورقه من ثنتين يا ورقه سوداء وهي تعني الأمر راجع لك في الدخول او لا ..
او ورقه حمراء وتعني الزامك بدخول العسكريه.
اللي انتشر بهذيك الفتره انه اختار الورقه السوداء وتم اعفائه من الخدمه العسكريه ..
لكن بعد مقابلة لنيكهون في تايلند قال انا طلعتلي الورقه الحمراء لكن بسبب إكتفائهم تم إعفائي !
( فيه حكي كثير ورا هالشي مرات يقولون لما طلعتله الورقه الحمراء كانوا منادينه يمثل
للباقين طريقة الاختيار يعني مو ورقته الاصليه، ومرات يقولون تم الاكتفاء )
ماعلينا اهم شي مادخل العسكريه سواء بتخطيط او بدون تخطيط .




+ كان يلعب تنس الريشه بس انه مافاز ولا مره خخخ .


+ كان يتواصل مع الأعضاء بالانقليزي ولغة الجسد ..
وكان تيكيون يساعده كثير في التواصل لكنه يقول خلاص ما احتاجه الحين .



+ في يوم ترسيمهم بأغنية 10out of 10 ماغنى شي عليه القيمه كل اللي قاله ~Lalalalalala وكلمتين انقليزي ..
يقول" شعرت بخيبة الأمل فعلاً".. لكن سبب هالشي لأنه كان مبتدئ و ضعيف في اللغة الكوريه ماعطوه مقطع طويل وصعب.

+ يقول انا اكل كثير بس مايزيد وزني ، حتى لو كلت في اخر الليل برضه مايزيد .. لكن تطلعلي بثور بوجهي وهالشيء مزعج .

+ يقول عن نفسه " أنا ما انولدت بدموع كثيره! خلال إقامتي في كوريا لثلاث سنين بكيت مرتين بس
مرة في Hot blood والثانيه في Star king (لما كان الولد الأعمى يغني )





+ يوم فازوا بأول جائزه لهم سألهم المذيع من الشخص اللي تفكرون فيه بهاللحظة كلهم قالوا امي
الا نيكهون قال JYP .. وبعد فتره قال في الحقيقه أهلي لكن يوم كان المذيع يسألنا كل الاعضاء قالوا اهلهم عشان كذا قلت JYP.


+ المرأة المثاليه عنده يقول "سيكون من الرائع ان تكون جميلة لكني مؤمن ان الجمال لايدوم
وأجد أن المرأة اللي تحب اهلها وحنونه معهم تكون جذابة بنظري".


+ إذا صارت عنده صديقه يقول مستحيل يعلم الناس عنها ، لأنه مو بس راح يتضرر هو ،
لا هي بعد راح تتضرر وماراح يكون لمصلحتهم ..
صحيح انه يتمنى يتفاخر ويقول للناس ان هذي صديقتي لكنه لازم يراعي وضع الشركة
وإشتراطها ان مافيه شي يكون علني وأيضاً وضع المعجبين.



+ سألوا الأعضاء منهو العضو اللي تعتبرونه 'Um Chin Ah' ؟ ( حرفياً يعني ابن صديقة الأم ..
بمعنى ان ابن صديقتها دائماً يكون بيرفيكت وهذا التعبير يستعمل للشخص البيرفيكت)..
جاوب جايبوم : 2PM Um Chin Ah هو بالتأكيد نيكهون إنه طويل ويملك وجهاً صغيراً
وهو يتمتع بالشهرة ليس فقط عند الفتيات بل عند الشبان كذلك بسبب لطافته وأخلاقه.
نيكهون شعر بالسعادة بعد تعليق جايبوم لكن فجأة إنقلبت تعابير وجهه إلى الحيرة وقال
" جايبوم ماذا يعني 'Um Chin Ah' ؟ ... آه حسناً ابن صديقة الأم. وباقي الأعضاء انفجروا ضاحكين .


طرف love yuri في الإثنين أغسطس 30, 2010 9:19 pm
+
----
-Taecyeon


+ الرابر الأساسي في الفريق. انولد في كوريا وعاش في بوسطن في أمريكا إلى اولى ثانوي ، لكنه يجيد اللغتين بطلاقه مو مثل جايبوم ونيكهون وبسبب طلاقته في كل اللغتين صار يساعد نيك وجاي في التواصل مع غيرهم.



+ نشر ولد عمه صور له لما كان في امريكا،الظاهر كانوا في زواج ولابس بدله ويشربون شمبانيا هههههههههههه ، تيك قال وش هالصور اللي انتشرت مالها داعي أوريكم فيه خخخ





+ وكانت له صوره برضه لابس فيها بدله والناس كانوا يعطونه على شكله 27 بالراحه مع ان عمره كان 19 يعني فرق 8 سنوات ، لكن الأعضاء قالوله انت كل ماكبرت صار شكلك أصغر.





+ قدّم لشركة JYP في نيويورك كعارض ازياء! وإخته هي اللي كانت تبحث في النت ولقت ان فيه اودشن في نويورك واقترحت الفكرة عليه وقال مو مشكله أساساً فيه إجازة اسبوع وكنا رايحين لنيويورك، راح وقدم وبعدها بأسبوع كلموه وقالوله قبلناك تعال لكوريا.





+ معروف بحركات عيونه وحواجبه ، وإشتهرت نظرته العصبيه في مقطع الراب في أغنية I hate you اللي في كل أداء لهم لازم يشيل النظاره الشمسيه بعدين يطالع الكاميرا بهالنظرة.






+ يسمع بشي اسمه تنسيق ملابس ، يقول "ما أعرف أنسق ملابس وألوان وأطلب من الأعضاء إنهم يساعدوني" ، و أول ماترسموا كان يحب يلبس الألوان الصارخه مثل الأحمر او البرتقالي أو يسوي مهرجان ألوان ، بس بعدين الأعضاء هجدوه .





+ أكثر واحد يقوله رح غير ملابسك او البس هذا لاتلبس هذاك هو نيكهون .. لكن إذا صاروا بيطلعون لمكان مميز ويلبسون بطريقة رسمية جايبوم يقوله" اللبس هذا زين عليك ، البسه".




+ يقول "مافيه شخص في الفريق يلبس أسوأ مني .. لكن احياناً احياناً تشانسونق يلبس كأنه متسول ، وهنا أحس نفسي أحسن منه"




+ العضو الثاني اللي شارك ببرنامج منت سكاندل.









+ قابلوا تيكيون وجايبوم ونيكهون فيوكانت المقابله كاملة بالإنقليزية، ممتعة ولطيفة جداً.
طبعاً هذول اللي أفضلهم في اللغة لكن هذا مقطع لهم كلهم<--- فيس يطالع تعريف جونهو



+ هو أصغر واحد بالعائلة وعنده أخت كبيرة.



+ يغبط فريق Shinhwa ويعتقد انهم رائعين ويتمنى ان 2PM يصيرون فرقة طويلة الأمد مثل شينهوا.




+ أول ماشاف رئيسهم JYP كان متوتر بسبب الهالة القوية اللي كانت حوله .. لكن بعد فتره راح توتره وقال "صرت ما أشوف شكله شين مثل ماكنت أفكرأول"



+ تفكيرة وشروطه في المرأة اللي يبيها تغيرت عن أول .. الحين يفضل المرأة اللي تكمل شغلها بشغف و على أتم وجه وتكون جميلة بدون مكياج.




+ قبل مايصير في الفرقه كان يبي يتزوج بعمر 27 .. وياخذ المرأة اللي يحبها لفينيسيا في ايطاليا وسط ميدان كبير عشان يتقدملها ومعاه الخاتم ويصرخ "هل تتزوجينني ؟" .. لكنه صار مغني وتغيرت الخطط .




+ القابه كثيره ومنها Ok Cat لأنه يحب يرسم القطط دائماً وحتى برمل الشاطئ قدام البحر.





+ وبرضه يلقبونه Ok Beast (بمعنى الوحش) لأنه مره كان في دعاية قديمة وكان الماء ينزل عليه وبعدين يشق قميصه اللي لابسه .. وأيضاً لأنه يطلع أصوات زي الوحوش





+ و يلقبونه Man rich in teeth لأن اسنانه كبيره واذا ابتسم تطلع أغلب أسنانه .. ومره وو يونق بيوصف شكل تيك قال "ماشفتوا واحد طويل وجهه كله أسنان ؟"ههههههه.

لكن تيك مايحب هاللقب ويقولكم غيروه هههههههه.





+ أيضاُ يلقب Ok Old Face .. لأنه يوم بدأ يداوم في الجامعه يقول "الناس كانوا جدد ومايعرفون بعضهم في أول السنة.. وماحضرت اليوم التعريفي للطلاب. و دخلت أول كلاس لي وكانوا الناس اللي حولي يتكلمون معاي بشكل رسمي ويقولون لي سيدي, نريد ان نفعل هذا أو ذاك "
وكان يقول بينه وبين نفسه انا دفعة 2007 ليش يتكلمون معاي بطريقه رسمية؟ فقال لهم انا من دفعة 2007 والشخص اللي قدامة تفاجأ جداً ، وسأله كم عمرك؟ وقاله انا من مواليد 88 يعني نفس عمرك .. ويقول " دايم هالأشياء تصيرلي يحسبوني كبير بالسن ".




+ أطول واحد بالفريق طوله 185 سم.. ويقول خلونا واقعيين شوي خخخ واحد طويل وعريض ماينفع يتصرف بشكل كيوت ونعوم بيصير شكله غريب.






+ سألوه مرة هل تخاف من الفانز ؟ وجاوب" مرات عديدة لحسن الحظ اني طويل عشان مايقدرون يشدون شعري .. لكن مرة من المرات لما كنا في Myundong وكان فيه حراس شخصيين وكنا نستعد للخروج ونركب في السيارة ، لكني ما ادري الا وحده جايه ومسكت مؤخرتي بكل حماس .. وكنت مصدوم جداً لدرجة يمكن اني قفزت مترين في الهواء وانا اقول~ Ah " بس اوريكم فيها لو امسكها.




+ ماكان يحب ملابسهم في وقت 10out of 10 يقول كأنهم لافين علينا ورق جرايد .. و في فترة اقين اند اقين ماكان يحب الشراب الابيض الطويل يقول شكلها مضحك كأننا اطفال في الروضة.

طرف love yuri في الإثنين أغسطس 30, 2010 9:24 pm
+
----
-Wooyoung





+ مغني أساسي في الفريق وهو من منطقة Busan لذلك غالباً ماينادى بـ "فتى بوسان".
قدم اختبار قبول للشركة وفاز فيه بالمركز الأول فئة الرقص


+ بما ان تخصصه رقص فهو متخصص بجميع انواعه حتى الرقصات الغريبه والمضحكه
وله رقصه انشهر فيها اللي هي الرخيصه



+ مشهور بحركات وجهه البريئه وخصوصاً شفايفه وخدوده اللي صايره أكبر مركز جذب للفانز
والأعضاء دائماً يقولون عنه انه كيوت










+ ولأنه كيوت مثل ماقلنا فهو مايسلم من حركات جايبوم وباقي الأعضاء عليه دايم يحسرون به
جاي يعضه
وهنا يفك سحاب قميصه




+ يتقاسم مع تشانسونق الصاله لأنهم الوحيدين اللي يرتاحون في النومه على الأرض والسرر توجعهم !





+ أكثر واحد مرتب ونظيف بينهم بإجماع الأعضاء ودايم يقولهم ليش ماترمون أشيائكم في الزباله ؟
ويقول ان تشانسوق عكسه في النظافه والترتيب، فيقوله شل أغراضك لكنه في النهايه مايشيل الا غرض واحد .

+ جسمه يمتاز بالمرونة لذا يسهل عليه القيام بالأكروبات.


+ امه كانت تدعمه مره لكن ابوه كان ضد هالشي .. وقال "قلت لامي اني بروح لغرفة التدريب عشان اتدرب للأودشن"
وكانت خايفه عليه ان ابوه يدري فإضطرت تقول لابوه ان وويونق راح للمكتبة.
لكن فجأة مادرى وويونق الا ابوه يفتح الباب عليه (صار طالع يدوره) فدخل معصب لغرفة التدريب وحاول يخرب كل شي فيها.
لكنه الآن تغيّر وصار يدعمه ويعلمه بأغلاطه او بالاشياء اللي لازم يغيرها في حركاته مثلاً.


+ ملقب بالماندو ( أكله يابانية ) لأنها شكلها سمينة كخدوده
أو يجمعون اسمه مع اودونق (النودلز السمينة) = وودونغ.


+ أخذ مكان توب في احدى استعراضات بيق بانق مع الوندر قيرلز قبل ظهوره مع 2PM
+ جونهو لا يناديه بهيونغ على الرغم وويونغ أكبر منه .

+ يحكي عن أغرب هديه وصلت له ..جته مره رساله من وحده من الفانز تقوله فيها انا عندي Bank book تتزوجني؟
ومن بكرا صارت تجيه رسايل من فانز ثانيين انا عندي Cards عندي أرض عندي بيت عندي هالعدد من السيارات .


+ من يوم انه صغير وهو يشارك بنشاطات المدرسه وهذا اللي خلاه جريئ وواثق من نفسه .
وله مستقبل يكون مقدم برامج ناجح لأن عنده الثقة وسرعة البديهة



+ انتشرت صورة وحده من المعجبات مسويه ماينه عليهم وحطت يدها على كتفه وجا هو شالها بكل أدب










+ وفيه مقلب سواه فيهم مدير اعمالهم خلى وو يونق وتشانسونق ونيكهون في السيارة ونزل منها
وركب واحد غريب فيها وهو لابس لبس بنات وروعهم ..
مع ان وو يونق خايف (الله لايلومه خخخ) الا انه تعامل معه بأسلوب وعطاه على قد عقله .


+ يدخل القلب بسرعه بسبب حركاته البلهاء وتصرفاته المضحكة
ونيكهون اختار وويونق لما سألوه أي من الأعضاء تبي اختك تواعده ؟
والسبب لانه كيوت ومضحك جداً.



[size=16]Junho


+ مغني وراقص أساسي ، شارك في برنامج Superstar Survival عام 2006 وفاز بالمركز الأول و جائزته كانت تسجيله كمتدرب في شركة JYP (نيكون وتيكيون أشتركوا في نفس البرنامج أيضا )




+ منزعج من نفسه لأنه مايعرف ينكت يقول " انا ما اكون مضحك الا يمكن مرتين في السنه " وكانت امنيته في السنة الجديدة انه يصير شخص طريف ومضحك.





+ هالعضو حظه شين مع البنات وبتكتشفون هالشي في ايدول شو .






+ يرتاح بإظهار نصف وجهه أكثر من وجهه الكامل ، يايميّل وجهه ، او يسوي مثل هالحركة من كليب Again & Again .








+ كانوا اهله معارضين دخوله للمجال الفني بسبب اعتقادهم انه بيترك هالمجال مثل ما مل وترك احلامه اللي قبل، وكانوا يبونه يدرس عشان بعدين يحدد مستقبله. فقعد نصف سنه يقنعهم لين اقتنعوا و سجلوه في مدرسة فيها حصص تمثيل، بعد نصف سنة غيّر رأية وقال ابي أصير مغني وأهله عصبوا منه جداً.





+ ملّقب من الأعضاء بأنه صاحب أجمل مؤخرة لكن ماتعجبه لانها تسبب له مشاكل لين بينام لأن خصره بيكون في الهواء وظهره مايكون مستوي .






+ في بداية ظهورهم كانوا الناس يشبهونه بـ Rain


لكنه مايحب انهم يشبهونه فيه ويقول انا لي جونهو موب راين .





+ يريد أن يتحول الى جاي بوم، كي يمزق قميصه على المسرح!




+ يحب المرأة ذات العيون الكبيرة لأنه يريدها ان تكون عكسه.
والمواصفات اللي يبيها في المرأة : إنها تجيب له عيال كثار لانه يحب الأطفال.




+ تشانسونق يقول عن جونهو انه يبتسم كثير وشكله يكون الأجمل بيننا اذا ابتسم .




+ كان سيطرد من الشركة لأنه مر ببعض الصعاب، لكن أمه اتصلت عليهم (كانت من أكبر المعارضين أنه يدخل في المجال الفني) و ترجتهم انهم بأن يمنحونه فرصة ثانية، يقول جونهو "انا ماعرفت بأنه امي اللي كانت السبب في اعطائي فرصة ثانية الا من شهور بس، لما قال لـي JYP عن السالفة". وتأثر جداً بهالشيء كيف ان اهله مافكروا بصورتهم على حساب رغبة ولدهم .


Chansung



+ أصغر عضو في الفريق .. وياما الناس يحسبونه أكبرهم .. يقول "صار عادي عندي لما أشوف ملامح وجههم تتغير من التفاجؤ إذا قلتلهم أنا الـ Magane " (يعني الأصغر).وصار يلقب بالـ Old Magane


والأعضاء يوم شافوا صورته وهو صغير قعدوا يضحكون ويقولون من هالشايب ؟ ههههههههههههه يعني من يوم انه صغير وهو يعاني .






+ إشترك ببرنامج Superstar Survival مع جونهو ، لكنه طلع من الحلقة الثانية وقدم مره ثانيه للشركة وقبلوه.




+ يحب ياكل كثير وصار يلقب بالـ "Eatnator" مأخوذة من ( Eating+Terminator) و هو العضو الوحيد اللي تشوف له صحنين رز بدال واحد ..



ومره تيكيون راح لأمريكا زياره وجاب مانقو مجفف معه ، لكن تشانسونق قضى عليه ولما عرفوا الفانز ارسلولهم كمية كبيره من المانقو المجفف.لكنه الآن عدل وضعه وصار يمشي على حميه ياكل نص صحن رز وماياكل في الليل .




+ فاكهته المفضلة هي الموز ، ومره علّق عليه جيبوم وقال "لو قدامه صحن فيه 50 موزه أكل 49 ونص " ورد تشانسونق " مو 49 ونص عاد هههههههه بس إذا أنا جالس عند الكومبيوتر وقدامي عدد من الموز أخلصهم بدون ما أحس ".يتحدونه ياكل موزه



+ في صغره مثّل في مسلسل High kick مع Kim bum من أولاد على الزهور.. ويكره المقاطع اللي يغني فيها راب في المسلسل لأنه أول مره في حياته يغني راب.. يقول "أنا أحاول انسى وانتم ترجعون تذكروني فيها"











+ علق على دوره في المسلسل انه لازم يكون نشيط ومرح وراعي حركه ، بالعربي مطفوق لكنه في الحقيقه شخص خجول .. فـ من هالدور اللي مثله أكتسب في شخصيته الحقيقية النشاط والمرح والحركه. وكان هالمسلسل هو نقطة التغيير في شخصيته.






+ بيت أهله يبعد عن مقر سكنهم نص ساعه ولكنه مايزورهم في العاده ، يقول " باقي الأعضاء والديهم في بلد أخر أو من منطقة أخرى بعيدة عن هنا ، فأشعر بالأسف إذا ذهبت لأرى أهلي بينما هم لايستطيعون "




+ وصل للمستوى الخامس في الألعاب القتالية ( وصل للمستوى الثالث في التايكوندو والثاني في الكيندو).






+ يهوى يسوي حركات غريبه في الأعضاء يعني يلمس اذانهم وخدودهم أو يعضهم وأكثر واحد متأذي منه وو يونق يقول" مايتسلط ويسوي هالحركات الا اذا كنا حاطين مكياج "





+ راح يختبر في المدرسه وماشارك في وحده من أصعب تمارين برنامج Hot Blood ولما رجع كلهم قالوا له ماشفت اللي شفناه وهو مبسوط ومتدفي .( كانت تمارين بحريه في عز فصل الشتاء تبللوا بالماء بالكامل والرياح تضرب فيهم )





+ أصابه تيكيون في عينه لما كانوا يؤدون أغنيةعلى المسرح لكنه كمّل غنائه ورقصه بالرغم من إنه يتألم .




+ لأن تشانسونق يبيّن أكبر من عمره عشانه طويل وعريض ، فـ فيه قوة على دفاشه الله يصلحه يعني ممكن يدف اي واحد وتلقاه طايح قدامه.



وهذا ببرنامجهم مقارنه بين رجل جايبوم ورجل تشانسونق طبعاً مايحتاج اقول أيهم تشانسونق





+ لأنه قاعد مع مجموعة من العاهات اللي مايعرفون كوري زين ، تأثر فيهم و صار ينطق الحكي مثلهم ويحكي كوري مكسر يعني صارت لغته اسوأ.. وصاروا يذبون عليه إذا حكى كويس ويقولون ماشاء الله تحسنت لغتك .

ويقول "نيكهون يسألني إذا تكلم اللي قلته صحيح أو لا ؟ بينما جايبوم ينطلق في الكلام ولا يسأل .. وانا اكون قاعد اسمعله وما افكر اصححله اهم شي اني افهمه. وأعتقد اني ضعفت لأني اسمع أشياء خاطئه طول الوقت".




+ وويونق يقول عنه انه اكثر واحد من السبع أعضاء له أشخاص أجانب كثار يشبهون له مثلاً عيونه تشبه عيون Kang Dong Won ومن الاجانب يشبهه على Keanu Reeves و Tobey Maguire